Сүүлийн үөд дотуур хувцас өмсөөгүй юм шиг харагдахуйц нимгэн нийлэг, торго, торон матөриалыг гоёлын хэрэгцээндээ сонгож байна. Гэхдээ эрүүл ахуйн шаардлага хангасан, чанартай гэдэг үүднээс хөвөн даавуу хэзээ ч хэрэглээнээс халагдахгүй. Хийц загварын хувьд нарийхан эмжээртэй хатуулгагүй, мөн шахагч, өргөгчтэй хөхөвчнүүд, та бидний “бөнз” хэмээн нэрлэж заншсан танго загварын дотоож хамгийн их эрэлттэй байгаа гэнэ. Энэ загварын дотоож нь аль ч насныханд тохиромжтой. Өнгөний сонголт мэдээж маш өргөн. Дотуур хувцасны алтан дүрэм бол “хөхөвч, дотоож хоёр адил өнгөтэй байх”. Та өмсөх хувцсандаа тохируулж дотуур хувцасныхаа өнгийг сонгоорой. Харин охид гадуураа цагаан өнгийн хувцас өмсвөл дотуур нь бараан өнгийн дотуур хувцас өмсөх болсон бөгөөд үүнийгээ загварын шинэ хандлага гэж үзэх болжээ. Харин үүнийг загварын мэргэжилтнүүд маш бүдүүлэг алдаанд тооцож байна.
Өөрөөр хэлбэл өмнө нь дотуур хувцасыг сайн чанарын материалтай, биед эвтэйхэн, эрүүл ахуйн шаардлага хангаж байхад л хангалттай гэж үздэг байсан бол “Victoria’s sеcrеt” энэ бүхнийг өөрчилж, “дотуур хувцас бол эмэгтэй хүний нууц гоёл” гэдэг өнөөгийн томъёололыг гаргаж эрчүүдийн анхаарлыг татаж чаджээ. Алмаз эрдэнийн гоёлтой, тансаг торгон дотуур хувцаснаас эхлээд 100 хувь хөвөн даавуун матөриалтай, өдөр тутам өмсөхөд тохиромжтой дотуур хувцасыг тэд үйлдвэрлэдэг. Ази бүсгүйчүүдэд байдаг хамгийн том бэрхшээл бол жижигхэн хөх, өгзөг юм. Харин XXI зуунд энэ асуудлыг олон аргаар шийдвэрлэж байна. Хамгийн хялбар шийдэл нь зузаан хатуулгатай хөхөвч боловч энэ нь тийм ч сайн сонголт биш. Харин наадаг хиймэл хөх, өгзөг өргөгчтэй дотоож зэргийг сонгоорой гэж мэргэжилийн хүмүүс зөвлөж байна. Эдгээр нь хэрэглэхэд хялбар, хамгийн гол нь жинхэнэ юм шиг харагддагаараа давуу. Дэлхийн нийт бүсгүйчүүдийн тэн хагас нь дотуур хувцас тансаг байх ёстой гэж үздэг.
Харин эрчүүд бол харьцангуй хуучин загварыг илүүд үздэг гэнэ. Залуу эрчүүдийн 40 хувь нь “боксчины” гэж нэрлэдэг өргөн, сулбагар дотуур өмдийг таашаадаг байхад 65-ээс дээш насны эрчүүд “гэрийн” буюу урт сул загварын дотуур өмднөөс илүү хуухнагийг нь дээш сойж чадахуйц бариудуу “бандаж”-анд хавьгүй илүү дуртай гэнэ.
Сүүлийн нэг жилийн хугацаанд энэ чиглэлээр судалгаа хийсэн эрдэмтэд дотуур өмдний үндсэн долоон дүрэм байдаг гэж үзжээ.
1. Хүний өмсөж буй дотуур өмд, дотоож нь хүний өөрийгөө үнэлэх үнэлэмжид нөлөөлдөг. Зөв сонгосон дотоож хүнийг сэтгэл булаам, өөртөө итгэлтэй байхад нь тусладаг.
2. Мэргэжилтнүүдийн зөвлөж байгаагаар хүний дур, анхаарлыг татах дотоожийг хурим, болзоо, Гэгээн Валентины өдөр ч юм уу ямар нэгэн онцгой нөхцөл байдалд зориулж биш, өдөр бүр байнга хэрэглэж байх ёстой. Гэхдээ бяцхан стринг юм уу саатай, тортой дотоожнууд өмсөхөд эвгүй, төвөгтэй санагдаж байвал заавал өмсөх гэж зүтгэх хэрэггүй.
3. Дотуур хувцас тохиромжтой, таатай байх ёстой. Дотоож зөвхөн сексийн хувьд бусдын сэрэл хөдөлгөж сэтгэл булаам байх биш, харин биед эвтэй, таатай байх ёстой.
4. Хүн бүр таны дотоожны оёдлыг хараад байгаасай гэж та бодоогүй л бол нимгэн оёдолтой юм уу, огт оёдолгүй дотоож өмсвөл тун зүгээр. Ийм үед ташаан дээр тохогдох төдий нарийн хажуутай танго хамгийн тохиромжтой байдаг.
5. Ямар ч үед дотоож сонгохдоо биеийнхээ галбирт тааруулах хэрэгтэй.
6. Туршилт хийхээс битгий ай.
7. Зөв сонгосон дотуур хувцас тухайн хүний харагдах байдалд ч нөлөөлдөг гэдгийг мартаж болохгүй.
Дотуур хувцас сонгоход учир бий
- Юуны өмнө өөрийнхөө биө галбирт тохируулаарай. Махлагдуу бүсгүйд хэт бариу дотуур хувцас зохимжгүй.
- Хөхний даруулга нь чөлөөтэй, хэт бариу биш байх ёстой. Мөн хөхнийхөө хэмжээнээс том эсвэл жижиг байж болохгүй. Учир нь томдсон хөхөвч хөхийг унжгар харагдуулдаг бол багадсан нь цээж рүү түрж, хавтгай цээжтэй юм шиг харагдуулдаг. Жижиг хөхтэй хүүхнүүдэд хатуулгатай, өргөлттэй даруулга, том хөхтэй хүүхнүүдэд хатуулгагүй нимгэн даруулга зохимжтой.
- Хүйс гардаг дотуур хувцас охидод илүү тохирно. Гэхдээ зуны улиралд, халуун нөхцөлд ажилладаг хүмүүс зайлшгүй даавуун дотуур хувцас сонгох хэрэгтэй.
- Цайвар өнгийн цамц, өмдний цаанаас хар өнгийн хөхний даруулга, дотуур хувцас харагдаж байвал хэнд ч аятайхан сэтгэгдэл төрүүлэхгүй гэдгийг санаарай.
- Стринг дотоожийг байнга бүү өмс. Энэ нь үрэлт үүсгэж, улайлт бий болгох шалтгаан болдог. Ялангуяа хүйтэн сэрүүний улиралд өмсөх хэрэггүй
- Хэт бариу, нийлэг эдээр хийсэн дотуур хувцаснаас татгалз. Торгомсог дотоожноос зайлсхий.
Бүсгүй та ямар өнгийн дотуур хувцас өмсдөг вэ?
Хүүхнүүдийн өмссөн дотуур хувцас сексийн бас нэгэн өвөрмөц хэл болсоор иржээ. Энэ талаар Италийн сэтгэлзүйчид удтал судалгаа явуулсны эцэст доорхи тестийг боловсруулжээ.
Хар өнгө:
Хар өнгийн хөхний даруулга, дотоожинд дуртай хүүхнүүд эрчүүдийн элдэв секс туршилтанд нэн дуртай, бэлгийн таашаал амсах нь хамгийн дээд жаргал гэж тооцдог аж. Тэд секст эрх тэгш байхыг хүсдэг гэнэ.
Хөх өнгө:
Хөх өнгийн дотуур хувцас өмсөх дуртай хүүхнүүд хавьтагч эрийнхээ идэвхи, бэлгийн чадавхид ихэд найдаж буйг илтгэж байгаа хэрэг аж. Ийм дотуур хувцас өмсдөг хүүхнүүд секст илэн далангүй байж чаддаггүй зориг муутай байдаг гэнэ.
Цагаан өнгө:
Цагаан бол хамгийн түгээмэл тархсан ямар нэг онцлох шинж тэмдэггүй өнгө юм. Ихэвчлэн онгон охид болон сексийн амтанд хэт ороогүй хүүхнүүд цагаан өнгийн дотуур хувцсанд дурладаг гэнэ. Мөн цагаан өнгийн дотуур хувцас нь ямар ихэмсэгдүү ааш арашингийн илрэл ч болдог гэнэ.
Улаан өнгө:
Улаан өнгө нь маш хүчтэй сэрэл хөдөлгөгч юм. Улаан өнгийн дотуур хувцсанд дуртай хүүхнүүд галзуурсан мэт дурлаж маш тачаангуйгаар удаан хугацаагаар хамтдаа сексийн жаргал эдлэхийг хүсэмжилдэг гэнэ.
Ногоон өнгө:
Ногоон өнгө нь сексийн хувьд маш уйтгартай өнгө аж. Гол төлөв ганц бие ганихарсан хүүхнүүд ийм өнгийн дотуур хувцас өмсдөг гэнэ. Ногоон өнгө нь ердөө ганц нэг удаа хавьтах сонирхлыг илэрхийлдэг байна.
Хүрэн өнгө:
Хүрэн өнгө нь ихээхэн бараан өнгө юм. Хүрэн өнгийн дотоож өмссөн хүүхнүүд секст тийм ч дуртай биш гэнэ. Магадгүй секс түүнд сэтгэхүйн дарамт болж байж ч болох. Ийм өнгийн дотуур хувцас ховор байдаг. Хэрэв хүрэн өнгийн дотоож зориуд сонгож авсан бол тэр бүсгүй хайр энхрийллийг хүсэж буйн шинж аж. Тэд ойртож хавьтахаас илүү янаглан илж таалуулах дуртай юм байна.
Шар өнгө:
Шар өнгө нь сексийн хүчтэй харьцааг илэрхийлдэг. Шар өнгийн дотуур хувцсанд дуртай хүүхнүүд өөрсдийгөө хуурсан эрчүүдэд маш дургүй аж. Тэд хайртай эрийнхээ зүрхийг зөвхөн өөрөө л бүрэн эзэмдэхийг хүсч байдаг гэнэ.
Ягаан өнгө:
Ягаан өнгийн дотуур хувцсанд дуртай хүүхнүүд нь сексийн мэдрэмж сайтай, сэтгэлийн хөдөлгөөнтэй, сэрэл нь хурдан хөдөлдөг боловч ёс суртахууны хэм хэмжээнд баригдамтгай байдаг ажээ.
No comments:
Post a Comment